(असोज २७, एजेन्सी) । सामाजिक सञ्जाल फेसबुक २ करोड ९० लाख फेसबुक प्रयोगकर्ताको डाटा चोरी भएको छ भने करिब पाँच करोड प्रयोगकर्ताका एकाउण्ट प्रभावित भएको पनि फेसबुकले जनाएको छ ।
शुक्रबारले फेसबुकले दिएको जानकारी अनुसार गएको महिनामा साइबर आक्रमणका कारण (ह्याकरहरु)ले फेसबुक प्रयोगकर्ताको डाटा चोरेका हुन् । कम्पनीले एउटा सूचना सार्वजनिक गर्दै ह्याकरहरुले फेसबुकको प्रविधिमा भएको त्रुटिको फाइदा उठाएको जनाएको छ ।
फेसबुकमा रहेको ‘भ्यू एज’ फिचरको फाइदा उठाउँदै ह्याकरहरुले फेसबुक प्रयोगकर्ताको खाता ह्याक गर्ने प्रयास गरेका छन् । कम्पनीका सुरक्षा प्रमुख गाई रोजेनका अनुसार प्रविधिमा देखिएको त्रुटिलाई सुधार गरिएको छ ।
रोजेन भन्छन्, ‘मानिसको गोपनीयता र सुरक्षा महत्वपूर्ण हुन्छ, जे भयो त्यसका लागि हामी माफी चाहन्छौँ ।’ फेसबुकका सीईओ मार्क जुकरबर्गले पनि यो समस्याको समाधान भैसकेको बताएका छन् ।
