(असोज २४, काठमाडौँ) । आज घटस्थापनाको दिन रिलिज हुने फिल्म ‘छक्का पञ्जा ३’ सर्वाधिक हलमा प्रदर्शनमा आएको यो फिल्मले मल्टिप्लेक्स हलमा अत्याधिक सो पाएको छ ।
क्युएफएक्स च्यानलमा मात्र फिल्मले ३० सोज हात पारेको छ । अन्य हलमा पनि सोज संख्या उच्च छ । क्युएफएक्सका प्रायः सोज करीब(करीब सोल्डआउटको नजिक छन् । आक्रामक बुकिङ र सर्वाधिक हल पाएका कारण फिल्मको इनिसियल बक्सअफिस बम्पर हुने पक्का छ । पहिलो दिनको कलेक्सन करोडमाथि हुने अनुमान गरिएको छ ।
दीपाश्री निरौलाले निर्देशन गरेको फिल्ममा दीपकराज गिरी, केदार घिमिरे, जितु नेपाल, बुद्धि तामाङ, शिवहरि पौडेलको हास्यकलाकारको जम्बो टोलीसहित प्रियंका कार्की, स्वस्तिमा खड्का, बर्षा राउतलगायतको अभिनय रहेको छ ।
