(असोज १८, काठमाडौं)। जर्जियामा जारी ४३औं चेस ओलम्पियाडमा नेपालको पुरुष टोलीलेे युगान्डालाई ३-१ ले हराएको छ ।
समूह डी मा रहेको नेपाल दोस्रो स्थानमा छ । समान १० अंक बनाएको दक्षिण कोरिया शिर्ष र श्रीलंका तेस्रो स्थानमा छन् ।
नवौं चरणमा रिजेन्द्र राजभण्डारीले युगान्डाका साड्र्राक कान्टीन्टीलाई हराए । अर्को बोर्डमा नेपाल च्याम्पियन मदनकृष्ण कायस्थले प्याटिक काउमालाई र विवेक थिङले हारुना नसुबुगालाई हराए ।
हिमाल लामा अरथुर सेग्वानीसँग पराजित भएका थिए । दशौं चरणमा नेपालले बलियो चिलीसँग प्रतिस्पर्धा गर्नेछ । बरियतामा ४९ औं स्थानमा रहेको चिली नेपालका लागि कठिन प्रतिद्वन्द्वी हो । बरियतामा नेपाल एक सय १८औं स्थानमा छ ।
