(असोज ९, काठमाडौं) । लामो समय देखि चलचित्रका काम गर्दै आएका चलचित्रकर्मी निर्देशक सुमन दाहाल सम्मानित भएका छन् ।
गत सोमबार राजधानिको सांस्कृतिक संस्थान नाचघरमा आयोजित मिसेस नेपाल इन्टरनेशनल २०१८को फाईनल कार्यक्रममा पुर्व उपप्रधानमन्त्रि टोपबहादुर रायमाझीबाट दाहाल सम्मनित भएका हुन् ।
दुई दशक देखि निरन्तर रुपमा चलचित्र क्षेत्रमा तथा सौन्दर्य प्रतियोगिताहरुमा निर्णायक एवं व्यक्तित्व विकासका कक्षाहरुमा प्रशिक्षकको रुपमा काम गरि नेपाली कलासंस्कृतिहरुलाई टेवा पु¥याएकोमा उनको कामको उच्च मुल्यांकन गर्दै दाहाललाई सम्मान गरिएको कार्यक्रमका अध्यक्ष निसु झाले बताएका छन् ।
कार्यक्रममा पुर्व उपप्रधानमन्त्री टोपबहादुर रायमाझी प्रमुख अतिथिको रुपमा रहेका थिए भने कार्यक्रमको निर्णायकहरुमा सुनिल थापा (राते काइला) आर्यन सिग्देल रहेका थिए । कार्यक्रममा दाहालसँगै बालकृष्ण पोखरेल र लव बहादुर थापालाई पनि सम्मान गरिएको थियो ।
विगत ४ वर्ष देखि सुरु गरिएको उक्त सौन्दर्य प्रतियोगितामा चन्दा थापा गिरीले यो बर्षको मिसेस नेपाल इन्टरनेशलन २०१८को ताज पहिरन सफल भइन् भने सिंगापुरमा हुने मिसेस सिंगापुर इन्टरनेशलनमा सहभागिताका लागि जान पाउने छिन् ।
