(असोज ८, काठमाडौ) । मिलन चाम्स द्धारा निर्देशित फिल्म ‘बोबि’ चलचित्र बोबीले लन्डनमा पनि प्रिमियर शो सम्पन्न गरेको छ ।
पहिलो पटक लन्डनमा यति धेरै दर्शकको साथ थियो जहाँ सिट नपुगेर दर्शक टिकट काटेर पनि भुईमा बसेर चलचित्र हेरेका छन् । निर्देशक चाम्स अनुसार आइतबार गरिएको पहिलो शोमा नै रियाल जोडीको फिल्म हेर्न १२ सय दर्शक उपस्थित भएको बताएका छन ।
उक्त फिल्ममा धनी र गरिव विचमा भएको खाडलको प्रष्ट रुपमा उजागर भएको छ, जसमा नायीकाले गरिव परिवारमा विवाह गर्दा भोगेका समस्या तथा अन्र्तजातीय विवाहका कारण भईपरि आउने समस्याका वारेमा उल्लेख गरिएको छ । समसामयीक तथा व्यवहारिक जीवनमा आई पर्ने कथावस्तुमा आधारीत यो चलचित्रले आम नेपाल र नेपालीमा मात्र नभई विश्वका सवै नागरिकलाई जीवन जीउन तथा संघर्षका जीवन जिउनको निम्ती एउटा सन्देश जसले जीवन जिउनको निम्ती प्रेरणादायी हुने देखिन्छ ।
चलचित्र हेरे पछि लन्डनमा पनि दर्शक रुदै नै हलबाट बाहिरियका छन् । ‘बोबी’को सोमबार अस्ट्रेलियामा शो गरिनेछ भने अक्टोबर १ मा हङकङ शो छ । यस्तै मंगलबार जापानमा यो राखिएको छ ।
उमेश थापा र कविता गुरुङको वास्तविक प्रेम कथामा बनेको फिल्म ‘बोबी’मा उनीहरुकै अभिनय रहेकोले पनि दर्शकले मन पराएका छन् । नरेश भटटराई र गिरीराज घिमिरेको संयुक्त लेखन रहेको चलचित्र “बोबि” मा नायीका कविता गुरुङ, नायक उमेश थापा, क्याप्टेन तथा कलाकार विजय लामा, रुवी राणा शाह लगायतका कलाकारहरुको अभिनय रहेको छ ।
