(असोज ५, काठमाडौँ) । फ्राइडे रिलिज अन्तर्गत आज हलमा फिल्म इन्टु मिन्टु लन्डनमा’ र ‘बाँध मायाले’ देशभर एकसाथ प्रदर्शन भएको छ ।
‘इन्टु मिन्टु लन्डनमा’
रेनशा बान्तवा राईको निर्देशन रहेको चलचित्रमा अभिनेत्री साम्राज्ञी राज्यलक्ष्मी शाहको मुख्य भूमिका रहेको छ । यसमा उनले नव अभिनेता धिरज मगरसँग रोमान्स गरेकी छन् । प्रज्वलशमशेर जबरा र रेनशाकै कथा रहेको रोमान्टिक लभस्टोरीमा जनरामा निर्मित चलचित्रमा साम्राज्ञी र धिरजका अलावा सारुक ताम्राकारको पनि मुख्य भूमिका रहेको छ । आईकोर फिल्मस्को व्यानरमा बनेको चलचित्रको निर्माता प्रभुशमशेर जबरा र प्रज्वलशमशेर जबरा रहेका छन ।
‘बाँध मायाले’
सविर श्रेष्ठको निर्देशन रहेको फिल्ममा पूर्व मिस नेपाल समेत रहेकी अभिनेत्री सृष्टि श्रेष्ठको मुख्य भुमिका रहेको छ । चलचित्रमा सृष्टिको अलवा आर्यन अधिकारी, किशोर खड्का, राजाराम पौडेल, रविन्द्र प्रताप सेन, विशाल चाम्लिङ लगायतको अभिनय देख्न सकिन्छ । रामहरि धिताल र विभिसिका श्रेष्ठको संयुक्त निर्माण रहेको चलचित्र बाबु श्रेष्ठले छायाँकन गरेका हुन् ।
