(भदौ २४, भक्तपुर) रमेश गिरी । हिन्दू महिलाहरुाके महान पर्व तीज नजिकिदै गर्दा आदर्श जनप्रेमी अग्रेजी माध्यामिक विद्यालय कौशल्टारले आयोजना गरेको भक्तपुर जिल्लाव्यापी विद्यालयस्तरीय तीज नृत्य प्रतियोगिता–२०७५ उपाधी लोकन्थलीस्थित ओम ज्ञान मन्दिरले हात पारेको छ ।
विद्यालयको २९ औ वार्षिकोत्सव एवं तीजको अवसरमा आयोजना गरेको प्रतियोगितामा कौशल्टार इंगलिस स्कूल दोश्रो र वेदिक एकेडेमी तेश्रो भएको छ भने ह्यापी नेष्ट स्कुल र आदर्श ज्योति स्कुल पाण्डुबजारले सान्त्वना पुरस्कार हात पारेको छ ।
प्रतियोगितामा ओम ज्ञान मन्दिरका नृत्य निर्देशक विजय अधिकारी उत्कृष्ठ नृत्य निर्देशक र कौशल्टार इंगलिस स्कूलले उत्कृष्ठ भेषभूषाको उपाधी हात पारेको छ । कार्यक्रममा मध्यपुरथिमि नगरपालिकाका प्रमुख मदनसुन्दर श्रेष्ठ र प्याब्सन भक्तपुरका अध्यक्ष श्रीकृष्ण केसीले उत्कृष्ठ विद्यालयलाई ट्रफी, प्रमाणपत्र एवं पुरस्कार प्रदान गर्नुभयो ।
सहभागि १९ वटा विद्यालयको सहभागिता रहेको प्रतियोगितामा कक्षा ३ सम्मका विद्यार्थीहरुको सहभागिता रहेको थियो । नृत्य प्रतियोगिताले विद्यार्थीहरुको बौद्धिक, मानसिक, शारीरिक, शैक्षिक विकासमा टेवा दिन प्रतियोगिता आयोजना गरेको विद्यालयका प्राचार्य निलेश आचार्यले जानकारी दिनुभयो । उहाँले तीजको साँस्कृतिक र व्याबहारिक ज्ञान दिन यसप्रकारको कार्यक्रमले टेवा दिने उहाँको भनाई थियो ।
