(भदौ २३, काठमाडौं) । बलिउड स्टार सलमान खानलाई आफ्ना ज्वाईं नायक बनाएर निर्माण गरिरहेको फिल्म ‘लवरात्री’ कानूनी झमेलामा फसेको छ ।
उक्त फिल्मको ‘टाइटल’ मा आपत्ति जनाउँदै एक हिन्दूवादी वकिलले बिहारको अदालतमा मुद्दा दायर गरेका छन् । हिन्दूहरुले मनाउने नवरात्री पर्वलाई बिगारेर ‘लवरात्री’ बनाइएको भन्दै मुद्दा दिइएको हो । फिल्मलाई आउँदो नवरात्रीकै सेरोफेरोमा रिलिज गर्ने तयारीले पनि निर्माताको खराब नियत प्रष्ट हुने निवेदकले बताएका छन् ।
आयुष (उनकी बहिनी बनाएकी) अर्पिताका श्रीमान हुन् । सलमानले आफूलाई हिरो बनाउने शर्तमा नै आयूषले उनकी बहिनीसित बिहे गरेका थिए ।
मुद्दामा अदालतले आउँदो १२ सेप्टेम्बरमा फैसला सुनाउने छ । यसअघि फिल्मको ट्रेलर रिलिज लगत्तै पनि विवाद उत्पन्न भएको थियो । आगरामा रहेको हिन्दूवादी संगठन ‘हिन्दू हि आगे’ ले फिल्मको विरोध गर्दै पोष्टर जलाएको थियो ।
