(भदौ २१, एजेन्सी) । भारतको हैदरावादमा सुनको लञ्चबाकस चोरी भएको छ । सुनबाटबनेको डिब्बामा बहुमूल्य हिरा तथा मोतिपनि जडित थिए ।
उक्त खाजाको डिब्बाका अलावा हैदरावादका अन्तिम सासक मिर उस्मान अली खानको निलम जडित सुनेको चियाकप, रिकापी तथा चम्चा पनि चोरी भएको छ । जम्माजम्मी तिन किलो वजनका सामान चोरी भएका छन् । जसको मूल्य झण्डै ५० करोड भारु पर्ने बताइएको छ ।
निजाम संग्राहलयबाट चोरी भएका डिब्बा सोमबार मात्र पुलिसले जानकारी पायो । चोरहरुले संग्राहलयको सिसीटिभी क्यामरा बिगारेर चोरी गरेका छन् ।
निजाम संग्राहलय सन् २००० मा सर्वसाधारणका लागि खुल्ला गरिएको थियो । अन्तिम बादशाह मीर उस्मान अली खानको सन् १९६७ मा मृत्यु भएको थियो । सन् १९६७ मा अली खानले प्राप्त गरेका विभिन्न बहुमूल्य उपहार पनि त्यहाँ राखिएको छ ।
