(भदौ १५, एजेन्सी) । लिबियाको राजधानी पूर्वी त्रिपोलीको आइनजारा नजिकै सरकारमै सम्लग्न दुई प्रतिस्पर्धी समूहहरुबीच भएको भिडन्तमा परि कम्तीमा २७ जनाको मृत्यु भएको छ भने १०० जना भन्दा वढी घाइते भएका छन् ।
गएको सोमबारदेखि बुधबारसम्म भएका छुट्टा छुट्टै झडपमा मृत्यु भएका लडाकू र घाइतबारे स्वास्थ्य मन्त्रालयले बिहीबार पुष्टि गरेको छ ।
त्रिपोलीबाट दक्षिणपूर्वमा रहेको तरहुना शहरको उक्त दस्ता ‘तथाकथित सातौँ ब्रिगेड’ले सुरक्षाकर्मीमाथी आक्रमण शुरु गरेपछि त्रिपोलीमा तनाव आएको भए पनि उनीहरूबीच सम्झौता भएको लिबियाका गृहमन्त्री अब्देसलाम असौर बताएका छन् ।
