(भदौ १२, एजेन्सी) । युएईले भिजिट र टुरिस्ट भिसामा आएकाहरुले युएईको बसोबासको नियम उल्लङघन गरेको पाइएको भन्दै यस्तो भिसा जारी गर्न कडाइ गरिने युएईले जनाएको छ ।
युएईमा आममाफीमा ठूलै अपराध गरेका कतिपय व्यक्तिहरु पनि सहभागी हुन आएको र त्यस्ता व्यक्ति भिजिट वा टुरिस्ट भिसामा युएई प्रवेश गरेको पाइएको छ । त्यस्ता व्यक्तिलाई आफ्नो देशमा प्रवेश गर्न नदिन युएईले कडाई गर्न लागेको हो । ।
१ अगष्टदेखि ३१ अक्टोवर अर्थात गएको साउन १६ गतेदेखि आउँदो कात्तिक १४ गतेसम्म युएईले दिएको आममाफीको समयमा अवैधानिक रुपमा रहेका विदेशी नागरिकले वैधानिक बन्न वा स्वदेश फर्किन पाउनेछन् ।
युएईले आममाफीको समय सकिएपछि कार्यस्थल र होस्टलमै गएर कामदारको अवस्था निरीक्षण गर्ने भएको छ । त्यसबेला अवैधानिक रुपमा रहेको भेटिएका व्यक्ति जेल पनि पर्न सक्छन् । किनकी युएईले आममाफीको समयपछि पनि अवैधानिक कामदार भेटिएमा पक्राउ गरेर जेल हाल्ने भएको छ ।
युएईले विभिन्न कारणले अवैधानिक बन्न पुगेका वा कानून उल्लङघन गरेका कामदारलाई प्रत्येक पाँच वर्षमा आममाफीको अवसर दिँदै आएको जनाएको छ । यो केन्द्रमा भारत, पाकिस्तान, बंगलादेश, फिलिपिन्स र श्रीलंकाको दूतावासका प्रतिनिधि पनि हुने भएकाले यी देशका कामदारले आवश्यक सहयोग पनि पाउन सक्नेछन् ।
यसैगरी टोल फ्रि नम्बर ८००८० मा सम्पर्क गरेर पनि आफ्ना समस्या राख्न सकिनेछ ।
