(भदौ १२, काठमाडौँ) । इटालीमा सम्पन्न मिगु रन स्काई रनर वर्ल्ड सिरिजमा नेपालकी अल्ट्रा धाविका मीरा राई ५२ किलोमिटर अल्ट्रा दौडमा तेस्रो वरियाता हासिल गरेकी छन् ।
इटलीमा आइतबार सम्पन्न पाँचौ संस्करणको सिरिज अन्तर्गत ट्रोफी किमा दौडमा मिराले तेस्रो स्थान हासिल गरेकी हुन् । ८० किलोमिटरको अल्ट्रा दौडमा भने उनी विश्व बरियाताको दोस्रो स्थानमा छिन् । जुन उनले गत वर्ष हासिल गरेकी हुन् ।
इटलीको भाल मासिनोमा सम्पन्न दौडमा मिराले ५२ किमीको दुरी ७ घण्टा ४१ मिनेट ४६ सेकेण्डमा पुरा गरेकी थिइन् । मीरा अब इटलीबाट बेलायत प्रस्थान गर्नेछिन् । आगामी सेप्टेम्बर १४ मा उनले बेन नेभिस अल्ट्रा ६५ केजी दौडमा सहभागिता जनाउनेछन् ।
