(साउन २, एजेन्सी) । भारतको केरला राज्यमा विगत १० दिनदेखि निरन्तर परेको वर्षाले बाढी तथा पहिरोमा परी मृत्यु हुनेको संख्या ३२४ पुगेको छ भने २ लाखभन्दा बढी घरबारविहीन भएका छन् ।
केरलाका १३ जिल्ला बाढी तथा पहिरोबाट प्रभावित भएका छन् । शुक्रबार केरलाका मुख्यमन्त्री पिनारायी विजयनले गरेको ट्युट्समा भनेका छन् ‘केरला बाढीका कारण एक शताब्दी यताकै सबैभन्दा नराम्रोसँग प्रभावित भएको छ’, मुख्यमन्त्री पिनारायीले ट्वीट गर्दै भनेका छन्, ‘विगत दश दिनमा मृत्यु हुनेको सङ्ख्या ३२४ जना पुगेको छ ।’
मौसम विभागले वर्षा अझै केही दिन जारी रहने भएकाले सतर्क रहन आग्रह गरेको छ । वर्षापछि सडकसँगै हवाई उडान समेत प्रभावित भएका छन् ।
