(साउन ३१, काठमाडौं) । सविर श्रेष्ठ निर्देशित फिल्म ‘बाँध मायाले को शीर्ष गीत सार्वजनिक भएको छ ।
अर्जुन पोखरेलको शब्द तथा संगीत रहेको गीतमा अञ्जु पन्त र सुगम पोखरेलको स्वर रहेको छ । अहिलेका चर्चित र व्यस्त कोरियोग्राफर कविराज गहतराजको कोरियोग्राफी रहेको छ ।
बाबु श्रेष्ठले छायांकन गरेको म्युजिक भिडियोमा नायक आर्यन अधिकारी र नायिका सृष्टि श्रेष्ठ को अभिनय रहेको छ । रामहरी धिताल र विभिषिका श्रेष्ठ निर्माता रहेको फिल्ममा महेन्द्र अधिकारी र केदार धिताल सह निर्माताको रुपमा रहेका छन् । फिल्मका छायाँकार बाबु श्रेष्ठ हुन् ।
असोज ५ गतेदेखि देशभर प्रदर्शन हुने फिल्ममा आर्यन र सृष्टिसँगै राजाराम पौडेल, रविन्द्र प्रतास सेन, विशाल चाम्लिंगलगायतका अभिनय छ ।
