(साउन २०, काठमाडौं) । शुक्रबारबाट प्रदर्शनमा आएको चलचित्र ‘झमकबहादुर’ले दर्शकको राम्रो साथ र माया पाएको छ ।
उपत्यकाको गोपी कृष्ण, अष्टनारायण, गंगा चलचित्र भवन लगायतमा दर्शक अत्याधि देखिएको र उपत्यका बाहिर भने धरान, बिराटनगर, चितवन, पोखरा, बुटवल लगायतका स्थानका चलचित्र भवनमा दर्शक धेरै देखिएको निर्माता मिन कुमार तामाङले बताए ।
भोमन कटुवाल निर्देशित तथा मिनकुमार तामाङ निर्मित ‘झमक बहादुर’मा सुन तस्करी, लुटपाट र अपहरणलाई फिल्मको मुख्य विषय बनाइएको छ ।
‘झमक बहादुर’मा अनुपबिक्रम शाही, यादब देपकोटा (सरापे), राजु कमेडी, मिन कुमार तामाङ, कल्याण अधिकारी, सुजाता थापा लगायतका कलाकारहरुको अभिनय रहेको छ ।
