(साउन १६, काठमाडौं) । नेपाल पहिलो अन्तर्राष्ट्रिय एकदिवसीय क्रिकेट प्रतियोगितामा नेदरल्यान्ड्ससँग पराजित बनेको छ ।
यसअघि टस जितेर पहिले ब्याटिङ गरेको घरेलु टोली नेदरल्यान्ड्सले ४७ ओभर ४ बलमा १८९ रन जोड्दा अलआउट भएको थियो । नेदरल्यान्ड्सको १९० रनको लक्ष्य पाएको नेपाल ४१ दशमलव ५ ओभर खेल्दा सबै विकेट गुमाउँदै १३४ रनमा समेटियो ।
नेपालका लागि ज्ञानेन्द्र मल्लले ५१ रनको योगदान दिँदा दीपेन्द्र सिंह ऐरीले ३३, अनिल साहले २१ रन जोडे । यस्तै कप्तान पार खड्का १२ रनमै आउट हुँदा अन्य ब्याट्सम्यानले दोहोरो अंक पनि छुन सकेनन् ।
बलिङतर्फ पारस खड्काले ४ विकेट हात पारे । यस्दै सोमपाल कामीले ३ तथा सन्दीप लामिछाने, वसन्त रेग्मी र करण केसीले १(१ विकेट लिए । नेदरल्यान्ड्सका पीएम सेलर, रिप्पोन र क्लास्सेनले समान ३–३ विकेट लिए ।
दोस्रो खेल शुक्रवार हुने जनाइएको छ ।
