(साउन १२, काठमाडौँ) । मिलन चाम्सद्वारा निर्देशीत फिल्म बोब्बी बक्स अफिस रेकर्ड अनुसार शिर्षस्थानमा पर्न सफल भएको छ ।
नेपाली चलचित्र बोर्डले बक्स अफिस लागु गरेदेखि कुन चलचित्रको व्यापार कस्तो भन्ने कुरा चाल पाउन सजिलो भएको छ । फिल्म बोब्बीले तेस्रो हप्तामा आइपुग्दा पनि दर्शकको साथ र माया पाउन सफल भैरहेको छ ।
बक्स अफिसले सार्वजानिक गरेको रेकर्ड अनुसारअहिलेसम्म बोब्बीले एक करोड सत्तरी लाखको व्यापार गरेको छ । अहिले बक्स अफिसमा तहल्का मच्चाउने मध्येमा चलचित्र बोब्बी रहेको छ ।
उक्त फिल्ममा धनी र गरिव विचमा भएको खाडलको प्रष्ट रुपमा उजागर भएको छ, जसमा नायीकाले गरिव परिवारमा विवाह गर्दा भोगेका समस्या तथा अन्र्तजातीय विवाहका कारण भईपरि आउने समस्याका वारेमा उल्लेख गरिएको छ । समसामयीक तथा व्यवहारिक जीवनमा आई पर्ने कथावस्तुमा आधारीत यो चलचित्रले आम नेपाल र नेपालीमा मात्र नभई विश्वका सवै नागरिकलाई जीवन जीउन तथा संघर्षका जीवन जिउनको निम्ती एउटा सन्देश जसले जीवन जिउनको निम्ती प्रेरणादायी हुने देखिन्छ ।
उमेश थापा र कविता गुरुङको वास्तविक प्रेम कथामा बनेको फिल्म ‘बोबी’मा उनीहरुकै अभिनय छ रहेको ले पनि दर्शकले मन पराएका छन् । नरेश भटटराई र गिरीराज घिमिरेको संयुक्त लेखन रहेको चलचित्र “बोबि” मा नायीका कविता गुरुङ, नायक उमेश थापा, क्याप्टेन तथा कलाकार विजय लामा, रुवी राणा शाह लगायतका कलाकारहरुको अभिनय रहेको छ ।
