(असार २९, काठमाडौँ) । असार २९ गते शुक्रबार आजबाट देशभर ‘बोबी’ सहित ३ फिल्म ‘बिरंगना’ र ‘बाबु कान्छा’ रिलीज हुदैछ।
फिल्म ‘BOBBY’
मिलन चाम्सद्वारा निर्माण तथा निर्देशित चलचित्र “बोबी” वास्तविक प्रेम कथामा वास्तविक प्रेमी जोडीले नै अभिनय गरेका छन् । चलचित्र “बोबी” लाई नेपाल र नर्वे को सुन्दर स्थलमा छायांकन गरिएको छ ।
नरेश भटटराई र गिरीराज घिमिरेको संयुक्त लेखन रहेको चलचित्र “बोबि” मा कविता गुरुङ , उमेश थापा, विजय लामा, रुवी राणा शाह लगायत कलाकारहरुको अभिनय रहेको छ ।
फिल्म ‘बिरंगना’
राज बहादुर सानेले निर्देशन गरेको फिल्म ‘बिरंगना’ एक्सन जनरामा बनेको चलचित्र रहेको छ । फिल्ममा शिल्पा पोखरेल, अनुप बिक्रम शाही, पृथ्वीराज प्रसाई आदिको भूमिका रहेको छ । “बिरंगना”मा सस्त्र प्रहरीको कथा पस्कने जमर्को गरिएका छ ।
फिल्म ‘बाबु कान्छा’
शोभित बस्नेतद्वारा निर्माण तथा निर्देशीत फिल्म ‘बाबु कान्छा’मा कमेडी र माया प्रेम देखाउन खोजिएको छ । फिल्ममा नीर शाह, सरोज खनाल, राजाराम पौडेल, लय संगौला, ऋतिक शाही, सम्राट सापकोटा, मञ्जु पौडेललगायतको अभिनय रहेको छ ।
