(असार २६, काठमाडौँ) । यहि असार २९ गते प्रर्दशन हुन लागेको चलचित्र “बोबी”ले universal सर्टिफ़िकेट प्राप्त गरेको छ।
चलचित्रलाई सेन्सर वोर्डवाट हटाउनु पर्ने अंश नरहेको भन्दै universal सर्टिफ़िकेट दिएको छ । सो सर्टिफ़िकेट लिदै फिल्मका निर्देशक मिलन चाम्सले मुक्तकण्ठले गरिएको प्रसंशाप्रति हार्दिक आभार व्यक्त गर्दै माया सहितको मिठो प्रतिक्रिया वाट अत्यन्तै उत्साहित एवं आशावादी रहेको बताएका छन् ।
चाम्सद्वारा निर्देशित चलचित्र “बोबी”मा वास्तविक प्रेम कथामा वास्तविक प्रेमी जोडीले नै अभिनय गरेका छन् । वास्तविक प्रेम कथामा बनेको चलचित्र “बोबी” लाई नेपाल र नर्वे को सुन्दर स्थलमा छायांकन गरिएको छ ।
नरेश भटटराई र गिरीराज घिमिरेको संयुक्त लेखन रहेको चलचित्र “बोबि” मा नायीका कविता गुरुङ, नायक उमेश थापा, क्याप्टेन तथा कलाकार विजय लामा, रुवी राणा शाह लगायतका कलाकारहरुको अभिनय रहेको छ ।
BOBBY टिमले देशव्यापी रुपमा ‘नेपाल टुर’ नामक कन्सर्ट असार १८ गते देखि गरिरहेको छ ।
