(असार २५, काठमाडौं) । स्व. सविन शाक्यको स्मृतिमा फिल्मीखबर साप्ताहिकले ‘सविन शाक्य चलचित्र पत्रकारिता पुरस्कार’ घोषणा गर्ने भएको छ ।
३० बर्ष भन्दा बढी बिभिन्न सञ्चारमाध्यममा काम गरेका सविन शाक्यले करिब २५ बर्ष चलचित्र पत्रकारिता गरेका छन् भने फिल्मीखवर साप्ताहिकमा नियमित रुपले संलग्न भई काम गरेका थिए । गत बर्षको असार २३ गते शाक्यको निधन भएको थियो ।
फिल्मीखवर साप्ताहिकका सम्पादक शान्तिप्रियका अनुसार शाक्यको निधन भएको बाषिर्की तथा प्रथम स्मृति दीवसका अवसरमा सम्झना तथा सम्मान स्वरुप पुरस्कारको घोषणा गरिएको हो । साथै उनले भने, सविन शाक्य चलचित्र पत्रकारिता पुरस्कार हरेक वर्ष फिल्मीखवरको वार्षिकोत्सवका अवसरमा प्रदान गरिने र अहिलेलाई पुरस्कारको राशि १०,०००।– (रुपैयाँ दश हजार मात्र) सहित प्रमाणपत्र प्रदान गरिने साथै हरेक वर्ष रङ्ग पत्रकारितामा संलग्न एक पत्रकारहरूलाई यो पुरस्कार प्रदान गरिने पनि उनले बताए ।
