(असार १६, काठमाडौं) । त्रिभुवन विश्विद्यालयले देशव्यापी रुपमा बढाएको परीक्षा शुल्क घटाएको छ ।
आन्दोलनरत विद्यार्थी संगठनका पदाधिकारी र त्रिवि पदाधिकारीबीच शुक्रबार भएको वार्तामा शुल्क घटाउने सहमति भएको हो । अखिल क्रान्तिकारीका अध्यक्ष रञ्जित तामाङले भने वृद्धि भएको शुल्क घटाउन हामी सफल भएका छौं, अब त्रिविले १ हजार पाँच सय रुपैयाँ परीक्षा शुल्क लिने सहमति भएको छ ।
विद्यार्थी संगठनहरुको दबावमा त्रिविले एक हजार शुल्क घटाएको हो । स्नातकोत्तर पहिलो सेमेस्टरबाट लागू हुने गरी २ हजार ५०० रुपैयाँ शुल्क कायम गरिएको थियो । त्यसअघि एक हजार रुपैयाँ मात्र शुल्क थियो ।
