(असार ८, एजेन्सी) । बलिउड अभिनेत्री प्रियंका चोपडा र अमेरिकी पप गायक निक जोनाससँगको प्रेमसम्बन्धले चर्चामा छिन् ।
प्रियंकाका साथ निक जोनास भारत आएका छन् । प्रियंकाले भारतको मुम्बईमा करिब १०० करोडको बंगला किनेकी छिन् । प्रियंकाले सो बंगलामा साथीहरुका साथ पार्टीको योजना बनाएकी छिन् । त्यही पार्टीमा प्रियंका निकलाई आफ्ना साथीहरुसँग भेटाउन चाहन्छिन् भने यही मौकामा आमा मधु चोपडासँग निकको भेट गराउने योजना प्रियंकाको रहेको छ ।
उता निकको परिवारसग भने प्रियंकाको विवाहको कार्यक्रममा भेट भैसकेको छ साथै निकका परिवारसँग रमाइलो गर्दै गरेका तस्बिरहरु समेत सार्वजनिक भएका थिए । अहिले निक प्रियंकाको परिवारलाई भेट्न भारत आएका छन् ।
