(असार ५, एजेन्सी) । विश्वकप फुटबलअन्तर्गत आज हुने खेलमा कोलम्बिया र जापानबीच प्रतिस्पर्धा हुँदैछ ।
नेपाली समयअनुसार ५ बजेर ४५ मिनेटमा हुनेछ । ६ पटक विश्वकप खेलेको जापानले सन् २००२ र २००६ मा अन्तिम १६ को यात्रा गरेको छ ।
दुई टोलीबीच चार वर्षअघि पनि विश्वकपको समूह चरणमै भेट भएको थियो । जहाँ, कोलम्बिया ४–१ ले हाबी रह्यो । कोलम्बियामा जेम्स रोड्रिग्वेज जुआन कुआडार्डो र राडामेल फाल्काओजस्ता आक्रमक खेलाडी छन् । डिफेन्समा डेभिनसन सान्चेजको प्रदर्शन तारिफयोग्य छ ।
जापानको टोलीमा जर्मन क्लबबाट खेल्ने कागावा एक्लो खेलाडी होइनन् । अन्तिम २३ मा परेका खेलाडीमध्ये ७ खेलाडी जर्मन लिग खेल्छन् ।
