(जेठ २६, काठमाडौं) । नेपाली चर्चित नायीका शिल्पा पोखरेल स्टारर फिल्म वीराङ्गनाको ‘तिम्रो हाम्रो मायामा बियर परेछ’ बोलको गीत राजधानीमा एक कार्यक्रम गरि सार्वजनिक गरिएको छ ।
गीतमा नायिका शिल्पा पोखरेल र नायक पृथ्वी राज प्रसाईंलाई रोमान्टिक मुडमा देख्न सकिन्छ । दिपक शर्माको संगीत र रघु परियारको शब्द रहेको गीतमा कृष्ण काफ्ले र रेश्मा पुनको स्वर रहेको छ । फोर्थ आई मुभिजको ब्यानरमा बनेको फिल्मलाई बाबुराम दास, श्यामबहादुर थापा, रघु परियार, देव तामाङ र बिमला भट्टले निर्माण गरेका हुन् ।
राजबहादुर सानेको लेखन तथा निर्देशन रहेको चलचित्रमा शिल्पा र पृथ्वीका अलावा अनुपविक्रम शाही, प्रज्वल गिरी, प्रिया रिजाल, धिरेन शाक्य, सुशील पोखरेल, कृष्ण शिवाकोटी, ध्रुव कोइराला, अंशु थापा, अमृत सापकोटा लगायतको अभिनय रहेको छ ।
श्री श्रेष्ठको द्धन्द निर्देशन रहेको फिल्म असार २९ गतेदेखि देशभर प्रदर्शनमा आउने तयारीमा छ
भिडियो
