(जेठ २०, पोखरा) । अन्नपूर्ण म्याराथनमा हरिकुमार रिमालले अन्नपूर्ण आधार शिविरदेखि घान्दु्रकसम्मको कूल ४२.१९५ किलोमिटरको दुरी चार घण्टा १६ मिनेट ४८ सेकेन्डमा पूरा गरी प्रथम भएका छन् ।
विश्वकै १० उत्कृष्ट पदमार्गका रुपमा ख्याति कमाएको अन्नपूर्ण चक्रीय पदमार्गअन्तर्गत उनले रु एक लाख पुरस्कार पाए ।
म्याराथनमा नेपाली सेनाकै पूर्ण तामाङ र होमलाल श्रेष्ठ क्रमशः द्वितीय र तृतीय स्थान हासिल गरे । तामाङले चार घण्टा १७ मिनेट ४२ सेकेन्ड तथा श्रेष्ठले चार घण्टा २० मिनेट ३८ सेकेन्डमा दुरी पार गरि तमाङले रु ७० हजार तथा श्रेष्ठले रु ५० हजार पुरस्कार पनि पाए ।
म्याराथनका विजेतालाई महोत्सवको तेस्रो चरणको कार्यक्रम समापन समारोहका क्रममा नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले पुरस्कारसहित सम्मान गर्ने कार्यक्रम रहेको छ ।
