काभ्रे, २ वैशाख । टिपरको ठक्करबाट गम्भीर घाइते एक बालिकाको उपचारका क्रममा मृत्यु भएको छ ।
जिल्ला प्रहरी कार्यालयका अनुसार पाँचखाल नगरपालिका–३ चाँपेपिपलबोटस्थित भित्री सडक खण्डमा मंगलबार दिउँसो करिब ३:१५ बजे रविओपीबाट पाँचखालतर्फ जाँदै गरेको बा.प्र.०१–००४ क १८४५ नम्बरको टिपरले शक्ति परियारकी ४ वर्षीया छोरी आरिकालाई ठक्कर दिएको थियो ।
ठक्करबाट गम्भीर घाइते बालिकालाई तत्कालै पाँचखाल पोलिक्लिनिकमा प्रारम्भिक उपचारपछि थप उपचारका लागि धुलिखेल अस्पताल लगिएको थियो । तर, उपचारकै क्रममा अपराह्न करिब ४:४० बजे चिकित्सकले उनलाई मृत घोषित गरेका थिए । दुर्घटनापछि प्रहरीले टिपर चालकलाई नियन्त्रणमा लिएको छ भने घटनाबारे थप अनुसन्धान भइरहेको छ ।
