काठमाडौँ, ७ चैत । काठमाडौँ उपत्यकामा बिहीबारबाट फेरि प्रदूषण बढेको छ ।
वातावरण विभागका आनुसार, बिहीबार बिहान ११ः३० बजे शंखपार्कको वायुको गुणस्तर मापदण्ड (एक्यूआई) १९७ पुगेको छ ।
यस्तै, रत्नपार्कको १५६ र ललितपुरको खुमलटारको १५३ मापन भएको छ । स्वास्थ्यका हिसाबले काठमाडौँ अस्वस्थकर बनेको छ ।
बुधबार २४ घण्टामा ती स्थानको औसत एक्यूआई ११० देखि १४० सम्म मापन भएको थियो । बिहीबार २४ घण्टामा भने एक्यूआई १५४ देखि १६० सम्म पुगेको विभागको रेकर्ड छ । यीबाहेक अरू सहरमा एक्यूआई १५० भन्दा कम छ ।
एक्यूआई १०१ देखि १५० को वायु बालबालिका, वृद्धवृद्धा र दीर्घरोगीका निम्ति अस्वस्थकर हुन्छ । त्यो १५१ देखि २०० सम्म पुगेमा सबैका निम्ति अस्वस्थकर हुन्छ । यस्तै, २०१ देखि ३०० सम्म पुगेमा ‘अति अस्वस्थकर’ र त्योभन्दा माथि भएमा ‘खतरनाक’ तथा बन्दै जाने विश्व स्वास्थ्य संगठन (डब्ल्यूएचओ)को मापदण्ड छ ।
