नेपालगन्ज, ६ माघ । भौतिक पूर्वाधार तथा यातायात मन्त्री देवेन्द्र दाहालले नयाँ योजनाहरू थप्नु भन्दा सुरु भएका योजनाहरू पूरा गर्नु अहिलेको आवश्यकता रहेको बताएका छन् ।
नेपालगन्जमा आयोजित संघीय सडक सुपरिवेक्षण तथा अनुगमन कार्यालय सुर्खेत अन्तर्गतका कार्यालय प्रमुखहरू सहभागी कार्यशालाको आइतबार उद्घाटनका क्रममा उनले श्रोत साधन र आवश्यकता अनुसार सरकारले नयाँ योजनाहरू थप्दै जान सक्ने भए पनि थालिएका योजनाहरू अलपत्र पारिने क्रम अव अन्त्य हुनु पर्ने उनको भनाइ छ ।
मन्त्री दाहालले भने, ‘सरकारले आफूसँग भएको श्रोत साधन तथा आवश्यकता अनुसार नयाँ योजना तथा आयोजनाहरू नियमित रूपमा थप्ने र ल्याउने नियमित प्रक्रिया हो । तर अब नयाँ योजना र आयोजनाहरू थप्न तर्फ भन्दा थालिएका कामहरू पूरा गर्न तर्फ जोड दिनु होला, अवरुद्ध र क्रोनिक आयोजनाका कारण नागरिकमा निराशा बढ्ने स्थिति आउनु हुँदैन ।’