सर्लाही, ८ भदौ । सर्लाहीको कविलासी नगरपालिका–४ हेमपुरका पूर्ववडाध्यक्ष ४३ वर्षीय अरविन्द कुमार यादवको मोटरसाइकल दुर्घटनामा ज्यान गएको छ ।
गएराति बरहथवा नगरपालिका–१० सीतापुरस्थित किसनपुर चोकमा मोटरसाइकल दुर्घटनामा यादवको निधन भएको हो । राति साढे ९ बजेतिर पिपरियाबाट बरहथवातर्फ गइरहेको प्रदेश २–०३–०२० प ३२४५ नम्बरको मोटरसाइकलमा सवार यादव साइकलसँग ठोक्किएर दुर्घटना हुँदा ज्यान गएको इलाका प्रहरी कार्यालय बरहथवाले जनाएको छ ।
नेकपा एमाले जिल्ला कमिटीका सदस्यसमेत रहेका यादव २०७९ को निर्वाचनमा समेत एमालेबाट वडाध्यक्षको प्रत्यासी थिए ।
