काठमाडौँ, १९ साउन । बागमती प्रदेशमा गत आर्थिक वर्ष (२०८०/०८१) मा विभिन्न विपद्का घटनाबाट ८८ जनाको मृत्यु भएको आन्तरिक मामिला तथा कानुन मन्त्रालयले जनाएको छ ।
मन्त्रालयका अनुसार आगलागीका घटना ४९३, वन डढेलो १२२, पहिरो ९०, वन्यजन्तु आक्रमण ४२, भारीवर्षा ३४, बाढी ३३, चट्याङ १४, हावाहुरी १३, उच्च उचाइ (लेक लाग्ने) ५, गैर प्राकृतिक विपद् ३, सर्पदंश ३, हिम पहिरो ३ र भूकम्प १ गरी ८५६ वटा विपद्का घटना भएको छ ।
ती घटनामा ४३ जना बेपत्ता भएका छन् भने १८४ जना घाइते भएका छन् । विपद्का कारण समीक्षा अवधिमा ६१९ वटा पशु चौपायाको क्षति भएको मन्त्रालयले जनाएको छ ।
