काठमाडौँ, ७ असार । नेकपा एमालेका अध्यक्ष केपी शर्मा ओलीले योगले मानिसलाई स्वस्थ्य र असल बनाउने बताएका छन् ।
आज एमाले केन्द्रीय कार्यालयले अन्तर्राष्ट्रय योग दिवसको अवसरमा भृकुटीमण्डपमा आयोजना गरेको “निरोगी नेपालको लागि योग”कार्यक्रममा बोल्दै उनले योगले मानिसलाई स्वस्थ्य जीवन जिउन र असल कर्म सिकाउने काम गरेको बताए ।
उनले भने, “योग भनेको आफूलाई रोग, विकार र विकृति चिन्तनबाट मुक्त अनावश्यक र अनुचित कुराबाट मुक्त गर्ने माध्यम रहेको छ” “योगलाई समाजमा रहेका विकृति हटाउन र समाजलाई सुधार गर्नका लागि अभ्यास गर्नुपर्दछ ।”
उनले योगगुरुलाई योगको माग सहि दिन आग्रह गर्दै योगलाई दुरुपयोग गर्न नहुने बताए । उनले योगलाई कुनै धर्म र जातमा सीमित गर्नु नहुने बताए ।
