काठमाडौँ, २८ जेठ । नेकपा एमाले अर्घाखाँचीको नवौँ जिल्ला अधिवेशनबाट पीताम्बर भुसाल सर्वसम्मत रूपमा अध्यक्ष निर्वाचित भएका छन् । निवर्तमान अध्यक्षसमेत रहेका भुसाल आगामी तीन वर्षे कार्यकालका लागि पनि सर्वसम्मत रूपमा अध्यक्ष निर्वाचित भएका हुन् ।
त्यस्तै सचिवमा पनि निवर्तमान सचिव तोजबहादुर रायमाझी पुनः निर्विरोध निर्वाचित भएको एमाले जिल्ला प्रचार विभाग प्रमुख शोभाखर पन्थीले जानकारी दिए । ८७ सदस्यीय जिल्ला कार्यसमितिमा उपाध्यक्ष र उपसचिव लगायत सदस्य पदहरूमा भने एक जना भन्दा बढीको उम्मेदवारी परेपछि मतदान गरिएको थियो । उपाध्यक्षमा शम्भु पोखरेल निर्वाचित भएका छन् । उनले प्रेम नारायण गैरेलाई पराजित गरे ।
