सिक्री लुट्ने र किन्ने दुवै जना पक्राउ

काठमाडौँ, २३ चैत । सिक्री लुटपाट गर्ने र खरिद गर्ने दुई जनालाई प्रहरीले पक्राउ गरेको छ ।

प्रहरी वृत्त स्वयम्भुको टोलीले पैदलयात्रीले गलामा लगाएको सिक्री लुटपाट गर्ने र खरिद गर्ने काभ्रेको सिसाखानी घर भएका ३८ वर्षीय राजकुमार लामा र नुवाकोटको बिदुर नगरपालिका–१३ खुर्साने घर भएका ३४ वर्षीय राजन सुनुवार पक्राउ गरेको हो ।

पक्राउ परेका मध्ये लामाले मोटरसाइकलको पछाडि बसेर पैदलयात्रीको गलाको सिक्री लुटेको आरोप छ । सुनुवार भने गरगहना पसल सञ्चालन गर्ने व्यक्ति हुन् । लुटेको सुनको सिक्री उनले किनेको प्रहरीले जनाएको छ ।

१९ चैत दिउँसो साढे १ बजेतिर नागार्जुन नगरपालिका–३ हलचोक पाँचधारास्थित पैदलयात्री अनिता बरामुको गलामा लगाएको सिक्री लामाले लुट्न खोजे पनि असफल भएका थिए । त्यसको आधा घण्टापछि कीर्तिपुर पुगेर कमला बस्नेतको सिक्री लुटेको प्रहरीले जनाएको छ । मोटरसाइकलको पछाडि बसी सिक्री थुतेर लामा फरार भएका थिए । लुटपाटमा संलग्न मोटरसाइकल चालक भने फरार छन् ।

प्रतिक्रिया दिनुहोस्

संबन्धित समाचार

काठमाडौँ, २ माघ । ग्लोबल आइएमई बैंक लिमिटेडले लघु, साना तथा मझौला उद्यमीको उत्पादन बजारीकरण गर्ने उद्देश्यले सञ्चालन गरेको ग्लोबल हाटबजारले

काठमाडौँ, २ माघ । नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल प्रचण्डले ठूलठूला सभा गर्ने पूराना प्रचलन भइसकेको बताएका छन्

काठमाडौँ, २ माघ । नेकपा (एमाले) ले केन्द्रीय सचिवालयको बैठक बोलाएको छ ।  आगामी फागुन २१ गते हुने प्रतिनिधि सभा

काठमाडौँ, २ माघ । काठमाडौँ महानगरपालिकाका प्रमुख बालेन शाहले देशको विकासका लागि लोकप्रिय नाराभन्दा पनि इमानदार नेतृत्व र दीर्घकालीन दृष्टिकोण