काठमाडौँ, ४ चैत । बाँकेमा जंगली जनावरको आक्रमणबाट एक वृद्धको मृत्यु भएको छ ।
इलाका प्रहरी कार्यालय कोहलपुरका अनुसार पूर्वपश्चिम राजमार्गको ढकेरीदेखि दुई किलोमिटर पश्चिममा पर्ने भालुखोलाको सडक बाटो छेऊमा जंगली जनावरले आक्रमण गर्दा ७१ वर्षीय नगेन्द्रप्रसाद शर्माको मृत्यु भएको हो ।
मृतक शर्मा दार्मा गाउँपालिका–१ सल्यान घर भई हाल ढकेरी र कोहलपुरमा आफन्तको घरमा बस्दै आएका थिए । मृतक शर्मालाई जंगली जनावरले आइतबार बिहान साढे पाँच बजेको समयमा आक्रमण गरेको अनुमान गरिएको छ । मृतकको शवलाई पोष्टमार्टमका लागि नेपालगञ्जस्थित भेरी अस्पतालमा पठाइएको छ ।
