सिमकोट, २० फागुन । यही फागुन २५ गतेदेखि हुम्लामा नौ महिनादेखि पाँच वर्षसम्मका बालबालिकालाई दादुरा–रुवेलाविरुद्धको खोप अभियान सुरु गरिने भएको छ ।
स्वास्थ्य सेवा कार्यालय हुम्लाका अनुसार पाँच वर्षमुनिका बालबालिकालाई अनिवार्यरुपमा दादुरा–रुवेलाविरुद्ध खोप लगाइने भएको हो ।
खोप समन्वय समिति, सञ्चारकर्मी र सरोकारवाला निकायसँग बसेको बैठकले यही फागुन २५ गतेदेखि चैत ७ गते अभियान सञ्चालन गरिने गरिने भएको हो । अभियान सञ्चालनका लागि एक सय सात खोप केन्द्र स्थापना गरिएको छ । नाम्खा १५, सिमकोट २०, खार्पुनाथ १४, सर्केगाड २३, चङ्खेली १२, अदानचुली १२ र ताँजाकोट गाउँपालिकामा ११ खोप केन्द्र तोकिएको छ ।
