काठमाडौँ, २६ माघ । माओवादी केन्द्रका प्रवक्ता अग्निप्रसाद सापकोटाले राष्ट्रियसभा अध्यक्षमा माओवादी केन्द्रले दाबी नछोड्ने बताएका छन् ।
फागुन २० देखि रिक्त हुन लागेको राष्ट्रियसभा अध्यक्षमा माओवादी केन्द्रले दाबी नछोड्ने बताए । यस विषयमा शुक्रवार दिउँसो बस्ने स्थायी समिति बैठकमा पनि छलफल हुने उनले जानकारी दिए ।
फागुनको पहिलो हप्ता प्रज्ञा भवनमा हुने विधान अधिवेशनका एजेन्डा तय गर्न माओवादीले दिउँसो ३ बजे स्थायी समिति बैठक बोलाएको छ ।