काठमाडौँ, २५ पौष । विभिन्न स्थानमा दुई जना मृतावस्थामा फेला परेका छन् ।
प्रहरी प्रधान कार्यालयका अनुसार पाँचथर r काठमाडौँमा एक एक जना गरी दुई जना मृतावस्थामा फेला परेका हुन् । पाँचथर कुम्मायक गाउँपालिका-१ फिक्कलस्थित गणेश श्रेष्ठको घरको आँगनमा सोही गाउँपालिका-१ गैरीगाउँ बस्ने ५५ वर्षीय सिंह बहादुर तामाङ बुधबार मृत अवस्थामा फेला परेका छन् ।
त्यस्तै काठमाडौँ महानगरपालिका-२६ गोगंबु नयाँबसपार्कस्थित होटल बाल कुमारीमा ललितपुर महानगरपालिका-२३ धापाखेल घर भएका ४४ बर्षीय निरज कुमार बस्नेत बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।
