बुटवल, २२ पौष । पूर्वपश्चिम राजमार्ग अन्तर्गत रुपन्देहीको देवदहमा स्कुटर दुर्घटना हुँदा चालकको मृत्यु भएको छ ।
देवदह नगरपालिका–९ स्थित राजमार्गमा बन्दै गरेको पुलमा लु ६७ प ७००४ नम्बरको स्कुटर दुर्घटनामा देवदह ९ निवासी २१ वर्षका निराजन श्रीसको मृत्यु भएको हो ।
खैरेनी प्रहरी चौकीका अनुसार पुल बनिरहेको ठाउँमा डाइभर्सनबाट जानुपर्नेमा सोझै निर्माणाधीन पुल हुँदै गुडेको स्कुटर १६ फिट तल खसेर दुर्घटना भएको थियो । दुर्घटनामा गम्भीर घाइते श्रीसलाई उपचारका लागि लुम्बिनी प्रादेशिक अस्पताल पुर्याए पनि चिकित्सकले मृत घोषणा गरेका थिए ।
