पोखरा, १९ कार्तिक । गण्डकी प्रदेश सरकारले भूकम्प प्रभावित क्षेत्रका लागि एक करोड रुपैयाँ सहयोग गर्ने भएको छ ।
आज बिहान बसेको प्रदेश सरकारको बैठकले भूकम्पपीडितको खोज, उद्धार तथा राहत प्रयोजनका लागि प्रदेश सरकारको तर्फबाट कर्णाली प्रदेश सरकारलाई एक करोड सहयोग गर्ने निर्णय गरेको हो ।
गण्डकी प्रदेशका मुख्यमन्त्री सुरेन्द्रराज पाण्डेले भने, “भूकम्पले कर्णाली प्रदेशमा ठूलो मानवीय र भौतिक क्षति भयो, एउटा प्रदेशका नागरिकलाई विपद् पर्दा अर्कोले सहयोग गर्नुपर्छ भनेर हामीले एक करोड दिने निर्णय गरेका हौँ,” ।
