काठमाडौँ, १६ कार्तिक । रौतहटमा सरकारी नम्बरको मोटरसाइकल (बाइक)मा भारतीय नम्बर राखेर चलाइरहेका तीन जनालाई प्रहरीले पक्राउ गरेको छ।
प्रहरीका अनुसार फतुवा विजयपुर नगपालिकाको कार्यालयको नाममा दर्ता रहेको ना. १ ब ३७९० नम्बरको निलो र कालो रंगको बजाज कम्पनीको १५० सीसीको पल्सर मोटरसाईकलमाथि भारतीय नम्बर राखेर चलाइरहेका तीन जनालाई बुधबार पक्राउ गरेको हो ।
उनीहरूमाथि चोरी सम्बन्धी मुद्दा दर्ता गरी अदालतबाट म्याद थमाई अनुसन्धान भइरहेको छ । आरोपीहरुको नाम भने प्रहरीले सार्वजनिक गरेको छैन ।
उक्त मोटरसाइकल गौर नगरपालिका १ कृष्ण मन्दिर नजिक राज प्रिन्टिङ प्रेसको अगाडि पार्किङ्ग गरी राखेको अवस्थामा बुधवार अपरान्ह चोरी भएको जिल्ला प्रहरी कार्यालय रौतहटले जनाएको छ ।
