काठमाडौँ, ८ कार्तिक । नेकपा एमालेको महासचिव शंकर पोखरेलले बैचारिक तथा राजनीतिक रुपमा स्खलित भएकाहरुको हतियार नै भ्रम सिर्जना गर्ने भएको भन्दै आक्रोस जनाउनुभएको छ ।
पछिल्लो समय पहिचानवादीको नाममा दुर्गा प्रसाईले केपी ओलीको कम्बोडियाको टेलिकममा लगानी रहेको भन्दै हिडेका छन् । सोही कुरालाई लक्षित गर्दै उहाँले विगतमा माओवादीले पनि जाउलाखेलको टेलिकममा केपी ओलीको नै लागनी थियो भनि फोटोसहित भ्रम सिर्जना गरेको स्मरण गर्नुभयो ।
उहाँले आफ्नो सामाजिक सञ्जालमा भन्नुभएको छ, ‘पहिले माओवादीहरु जाउलाखेलको टेलिकमको नयाँ भवनको फोटो राखेर केपी ओलीको घर भन्दै जनतामा भ्रम छर्ने गर्दथे । अहिले राजावादीहरु कम्वोडियाको टेलिकममा केपी ओलीको लगानी भनेर भ्रम छर्ने खेतीमा लागेको देखिन्छ । वैचारिक र राजनीतिक रुपमा स्खलित भएकाहरुको हतियार नै भ्रम सिर्जना गर्नु हो । नेपालमा सुशासन र विकासका प्रश्नमा सबैभन्दा योग्य देखिएको व्यक्ति माथिको प्रहार राष्ट्र र जनताको भविष्य माथिको प्रहार हो । भ्रममा नपरौं, यस्ताखाले षडयन्त्र विरुद्ध गम्भीर बनौं ।’
