पाल्पाका बोटे समुदायलाई गर्जो टार्नै मुस्किल

पाल्पा, ७ कार्तिक । बडादशैंमा हुनेखानेका घरमा उल्लास छ तर हुँदा खानेलाई त्यो अवसर कहाँ मिल्छ र ? पाल्पाका बोटे, माझी समुदायमा सधैंजस्तै यसपालिको दशैं पनि खल्लो छ ।

पाल्पाको कालीगण्डकी नदीको किनारमा बसोबास गर्दै आएका यी समुदायलाई दशैं मनाउने भन्दा पनि दैनिक गर्जो कसरी टार्ने भन्ने चिन्ता बढी छ ।

बगनासकाली ६ दर्पुककी अन्जिता बोटे परिवारसँग खुसी साट्ने र रमाइलो गर्ने यो पर्वमा घरमा आउने पाहुना र आफ्नै परिवारका सदस्यको खर्च धान्न मुस्किल हुने गरेको बताउँछिन् । ‘दशैं पर्वले कुनै रौनक ल्याएको छैन,’ उनले भनिन् ।

यो समुदायका मानिसहरु दिनभरी मेहनत गरेको कमाइबाट बेलुकाको खर्चको जोहो गर्ने प्रचलन रहेका कारण अन्य दिन जस्तै सामान्य तरिकाबाट पर्व मनाउने सोचमा रहेको बगनासकाली ६ सन्तबीर बोटेले बताए ।

पाल्पाको बगनसकालीको दर्पुक, मचेटा, दैलातुङ्ग, तानसेनको छेर्लुङ्ग, रम्भाको अर्सेदी, लगायतका स्थानमा बोटे माझीको समुदायको बसोबास छ । राष्ट्रिय जनगणना २०७८ अनुसार पाल्पाका ५७८ बोटे तथा ३४५ माझी समुदायको जनसंख्या छ । यीमध्ये ५० प्रतिशतभन्दा बढीलाई अहिले पर्व मनाउनका लागि हम्मेहम्मे रहेको उनीहरु बताउँछन् ।

यी समुदायका मानिसहरु नदी किनारमा माछा मारेर परिवारको गर्जो टार्ने गर्दछन् । तर, पछिल्लो समय माछा मारेर गुजारा नचल्ने र अन्य सीप कम भएकाहरुले ज्याला मजदुरी गरेर दैनिक छाक टार्ने गर्दै आएका छन् । कतिपय घर खर्च चलाउन काम खोज्दै भारतका विभिन्न स्थानमा जाने गरेका छन् ।

प्रतिक्रिया दिनुहोस्

संबन्धित समाचार

देश भरिकै एमाले राजनीतिमा एउटा यस्तो बेला थियो बामदेव बर्दिया र एमाले भनेपछि त्यहाँ अर्को अप्सन थिएन । बामदेवको छत्रछायामा

काठमाडौँ, ३० असार । सत्ता साझेदार दल नेकपा एमाले र नेपाली कांग्रेसबीच मन्त्रालय भागबण्डा टुंगो लागेको छ । स्रोतका अनुसार

काठमाडौँ, ३० असार । शिक्षामन्त्री सुमना श्रेष्ठले देश बनाउने महत्त्वपूर्ण भूमिका शिक्षा मन्त्रालयको रहेको बताएकी छन् । आज मन्त्रालयमा आयोजित

काठमाडौँ, ३० असार । नेपाली कांग्रेसको शेखर कोइराला पक्षले केपी ओली नेतृत्वको सरकारमा पार्टीले सहभागिता जनाउँदा आफ्नो पक्षबाट ४ जना