बर्दिया, ६ कार्तिक । भन्सार छलेर नेपाल ल्याउँदै गरेको करिब एक लाख ७५ हजार रूपैयाँ बराबरको सामानसहित बर्दिया प्रहरीले सात जनालाई पक्राउ गरेको छ ।
बर्दियाको गुलरिया नगरपालिका– ७ भन्सार रोडबाट आइतबार बिहान भारतबाट भन्सार छलेर ल्याउँदै गरेको फलफूल तथा तरकारी बरामद गरिएको हो । भन्सार छलेर ल्याउँदै गरेको सामानसहित प्रहरीले पाँच भारतीय र दुई नेपाली नागरिकलाई पक्राउ गरेको छ।
उनीहरूले प्रयोग गरेका चारवटा मोटरसाइकल र चारवटा साइकल पनि नियन्त्रणमा लिएको जिल्ला प्रहरी कार्यालय बर्दियाका सूचना प्रविधि शाखामा कार्यरत प्रहरी सहायक हवल्दार हरिनारायण ओलीले जानकारी दिएका छन् ।
