करेन्ट लागेर तीन जनाको मृत्यु

काठमाडौँ, ३ भदौ । देशका विभिन्न स्थानमा करेन्ट लागेर तीन जनाको मृत्यु भएको छ ।   

नेपाल प्रहरीका अनुसार कैलालीको धनगढी उपमहानगरपालिका-१२ सी गाउँ बस्ने ४५ वर्षीय यवराज शाहीको करेन्ट लागेर शनिबार साँझ मृत्यु भएको हो । आफ्नै घरको शौचालयमा तार जोड्ने क्रममा करेन्ट लागेर गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो । 

यसैगरी धनगढी उपमहानगरपालिका-१४ डी गाउँ बस्ने पुष्पराज उपाध्यायको छोरा ७ वर्षीय बेद प्रसाद उपाध्यायको करेन्ट लागेर आइतबार बिहान मृत्यु भएको छ । आफ्नै घरको पानी तान्ने मोटरको तारमा अचानक छोइन गई करेन्ट लाग्दा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो । 

यता बाराको जितपुर सिमरा उपमहानगरपालिका-१६ पिलुवा बस्ने ३० वर्षीया रेनु तिमिल्सिनाको करेन्ट लागेर आइतबार बिहान मृत्यु भएको छ । आफ्नै घरको फलामको ढोका लगाउने क्रममा ढोकामाथि रहेको बिजुलीको तार च्यापिएर करेन्ट लाग्दा गम्भीर घाइते भएकी उनको बयोध्या अस्पताल पर्सामा उपचारको क्रममा मृत्यु भएको हो । 

प्रतिक्रिया दिनुहोस्

संबन्धित समाचार

काठमाडौँ, १५ फागुन । निकोल लोफ्टी इटनको विश्व कीर्तिमानी शतकसँगै नामिबियाले त्रिकोणात्मक टी–२० सिरिजमा नेपाललाई २०७ रनको लक्ष्य दिएको छ

काठमाडौँ, १५ फागुन । आजदेखि सुरु हुने त्रिदेशीय ट्वान्टी–२० क्रिकेट शृंखलामा नेपालले नामिबियासँग खेल्दै प्रतियोगिताको सुरुआत गर्दै छ । शृंखलामा

काठमाडौँ, १३ फागुन । आईसीसी क्रिकेट विश्वकप लिग–२ अन्तर्गत घरेलु मैदानमा आयोजित त्रिदेशीय शृंखलाको अन्तिम खेलमा नेदरल्यान्ड्ससँग आठ विकेटले पराजित

काठमाडौँ, ११ फागुन । केपी ओली कप फुटबल प्रतियोगितामा आजदेखि सुरू हुँदैछ । प्रतियोगिताको उदघाटन खेलमा आयोजक केपी ओली एफसी