भक्तपुरमा कांग्रेसका जनप्रतिनिधि करोडौं ठगीको आरोपमा पक्राउ

काठमाडौँ, ३१ साउन । पछिल्लो समय जनप्रतिनिधि एक पछि अर्को गर्दै ठगी तथा भ्रष्टाचारको आरोपमा पक्राउ पर्ने क्रममा व्यापक मात्रामा बढेको छ । यसै क्रममा भक्तपुरमा कांग्रेसबाट निर्वाचित जनप्रतिनिधिले करोडौंको ठगी गरेको आरोपमा प्रहरी कार्यालय टेकुले पक्राउ गरेको छ । पक्राउ पर्नेमा सूर्यविनायक नगरपालिका वडा नं. २ का वडा सदस्य भगत रानाभाट रहेका छन् । उनलाई भक्तपुरबाट पक्राउ गरी काठमाडौँ लगिएको हो ।

कांग्रेसबाट निर्वाचित रानाभाटले मिटर व्याजीको रुपमा ठगेको भन्दै प्रहरीमा उजुरी परेको थियो । उजुरी गर्नेहरुमा सानुभाई लोहार, पुतली कामी, थलबहादुर कामी र सहबहादुर कामीले वडा सदस्य रानाभाटविरुद्ध ठगीको मुद्धा दर्ता गरेका थिए । सोही उजुरीको आधारमा उनलाई पक्राउ गरी अनुसन्धान गरिरहेको प्रहरीले जानकारी दिएको छ । उनलाई २९ गते पक्राउ गरिएको थियो । ३० गते उनलाई पाँच दिनको म्याद थप गरी अनुसन्धान भइरहेको प्रहरीले जानकारी दिएको छ ।

वडा सदस्य रानाभाटले जग्गा आफ्नो नाममा नामसारी गरी तेजबहादुर खड्कालाई १७ लाख ऋण दिएको बताइएको छ । आफुले लिएको रकमको साँवा व्याजसहित फिर्ता गरी जग्गा बेचविखन गर्ने तयारीका साथ कुरा गर्दा रानाभाटले साढे दुई करोड दिएमात्र उक्त जग्गा फिर्ता दिने नत्र फिर्ता नगर्ने बताएपछि बाध्य भएर न्यायको लागि प्रहरीमा उजुरी दिनुपरेको पीडितहरुले बताएका छन् । वडासदस्य रानाभाटले उजुरीकर्तासँग साढे दुई करोड मागेको अडियोसमेत प्रहरीमा बुझाएको बताइएको छ ।

विभिन्न समस्याका बाबजुत खड्काको सहयोगीको रुपमा उजुरीकर्ताहरुले भूमिका निर्वाह गरेको बताइएको छ । कांग्रेसबाट निर्वाचित जनप्रतिनिधि तथा पहुँचकै भरमा गरिवको सम्पत्ति हडप्ने कार्य गरेको पीडितको गुनासो रहेको छ । म्याद थप गरी आवश्यक अनुसन्धान भइरहेकाले घटनाको वास्तविकता र कति रकम ठगी गरिएको हो भन्ने टुङ्गोमा पुगि नसकेको प्रहरीले बताएको छ । उजुरीबारे थप अनुसन्धान गरी कानुनी प्रकृया अनुसार दोषी प्रमाणित भए सोही अनुसारको कारवाही हुने प्रहरीले जानकारी दिएको छ ।

प्रतिक्रिया दिनुहोस्

संबन्धित समाचार

काठमाडौँ, ९ फागुन । आईसीसी क्रिकेट वर्ल्डकप लिग टूमा नामिबियाले नेपाललाई २ विकेटले हराएको छ । त्रिवि क्रिकेट मैदान, कीर्तिपुरमा

काठमाडौँ, ९ फागुन । आईसीसी क्रिकेट विश्वकप लिग–२ को आफ्नो तेस्रो खेलमा नामिबियाविरुद्ध नेपालले छैटौँ विकेट लिएको छ ।  बुधबार

काठमाडौँ, ९ फागुन । नामिबियाको चौथो विकेट दीपेन्द्रसिंह ऐरीले लिएका छन् ।  आईसीसी क्रिकेट वर्ल्ड कप लिग-२ अन्तर्गतको बुधबारको खेलमा

काठमाडौँ, ९ फ्फगुन । आईसीसी क्रिकेट वर्ल्ड कप लिग-२ अन्तर्गतको बुधबारको खेलमा नेपालले नामिबियालाई जितका लागि एक सय ६९ रनको