काठमाडौँ, १३ साउन । उपप्रधान तथा गृहमन्त्री नारायणकाजी श्रेष्ठले मिटरब्याजसम्बन्धी विधेयक कानुन बनेकोमा सबैलाई बधाई दिएका छन् ।
उनले सामाजिक सञ्जालमार्फत दुवै सदनबाट पारित भएको उक्त विधेयक राष्ट्रपति रामचन्द्र पौडेलले प्रमाणित गरेसँगै आजदेखि ऐन बनेको जानकारी दिएका छन् । सँगसँगै सबैलाई बधाई पनि दिएका छन् । मिटरब्याजसम्बन्धी कानुन बनेसँगै मिटरब्याजको शोषणबाट पीडितलाई मुक्ति दिने अभियानलाई सफल पार्न यसले मूल आधार प्रदान गरेको उनले उल्लेख गरेका छन् ।
सामाजिक सन्जालमा उनले भनेका छन्, ‘मिटर ब्याज सम्बन्धि बिधेयक दुबै सदनबाट पारित भई राष्ट्रपतिज्यु बाट प्रमाणीकरण भएपछि आजबाट ऐन बनेको छ।सामन्तवादको अवशेषको रुपमा रहेको मिटर ब्याजको शोषणबाट पीडितलाई मुक्ति दिने अभियानलाई सफल पार्न यसले मुल आधार प्रदान गरेको छ । यो अभियानको लागि ऐन कोशे ढुङ्गा बनेको छ । सबैलाई बधाई ।’
