काठमाडौँ, ११ साउन । नेप्से परिसूचक आज २९.७१ अंक घटेर २१२६.४८ विन्दुमा रोकिएको हो ।
आज म्युचुअल फन्ड, ऋणपत्र र सेयर गरी २७१ धितोपत्रको दुई अर्ब ४२ करोड ५७ लाख रुपैयाँको सेयर खरिद–बिक्री भएको हो । यस दिन किसान लघुवित्त वित्तीय संस्थाको सेयर मूल्य ८.६८ प्रतिशतले घटेको छ । यो कम्पनीको सेयर मूल्य प्रतिकित्ता ९३६ रुपैयाँ कायम भएको छ ।
शिवम् सिमेन्टको सर्वाधिक रुपैयाँको कारोबार भएको छ । यो कम्पनीको १० करोड ५७ लाख रुपैयाँको सेयर कारोबार भएको छ । यो कम्पनीको सेयर मूल्य प्रतिकित्ता ६१५ रुपैयाँ कायम भएको छ । कारोबारमा आएका १३ वटै समूहको परिसूचक घटेको छ । सर्वाधिक परिसूचक घट्नेमा व्यापार समूह रहेको छ । यो समूहको परिसूचक २.६५ प्रतिशतले घटेको छ ।
