काठमाडौँ, २० असार । धनुषाको धनुषाधाम नगरपालिका–३, हनुमान मन्दिर नजिकै मोटरसाइकलको ठक्करबाट पैदलयात्रीको मृत्यु भएको छ ।
इलाका प्रहरी कार्यालय धनुषाधामका अनुसार मंगलबार बेलुकी मंगलपुरबाट सार्सातर्फ जाँदै गरेको ज १० प ५६ नम्बरको मोटरसाइकलले पैदल हिँडिरहेका धनुषाधाम–२, मंगलपुरका ६० वर्षीय रामनारायण मण्डललाई ठक्कर दिएको थियो ।
दुर्घटनामा घाइते भएका उनलाई उपचारका लागि अस्पताल लैजाने क्रममा बाटोमा नै मृत्यु भएको इलाका प्रहरी कार्यालय धनुषाधामले जनाएको छ । मोटरसाइकलसहित फरार रहेका चालकको खोजी कार्य भइरहेको जनाइएको छ ।
