काठमाडौँ, २० असार । महोत्तरीबाट पेस्तोल र गोलीको खोकासहित एकजना पक्राउ परेका छन् ।
प्रहरीका अनुसार रामगोपालपुर नगरपालिका–१, लक्ष्मीपुर बस्ने ३८ वर्षीय कौशल मण्डललाई पेस्तोल एक थान र गोलीको खोका तीन थानसहित मंगलबार राति पक्राउ गरेको हो ।
सोही नगरपालिका–१, बसबिट्टी बजारमा कौशलले पेस्तोलबाट गोली प्रहार गर्दा सोही ठाउँ बस्ने ४४ वर्षीय श्रवण यादव घाइते भएको भन्ने खबर प्राप्त हुनासाथ खटिएको प्रहरीले उनलाई उक्त हतियारसहित पक्राउ गरेको हो । घाइते यादवको जानकी एकेडेमी हस्पिटल पर्सादेवाड रामगोपालपुर हुँदै जानकी हेल्थ केयर जनकपुरमा उपचार भइरहेको जिल्ला प्रहरी कार्यालय महोत्तरीले जानकारी दिएको छ ।
