काठमाडौँ, ३१ जेठ । पुर्वाञ्चल विश्वविद्यालयमा नेवि संघको नामबाट यहि ३२ गतेबाट सुरु हुन लागेको परिक्षा विथोल्ने गरी दुसित मनसायका साथ गरिएको तालाबन्दी र सेवा आयोगका अध्यक्षमाथी गरिएको दुव्र्यवहारप्रति अनेरास्ववियुले गम्भीर ध्यानाकर्षण गरेको छ ।
अनेरास्ववियुको अध्यक्ष समिक बडालले आज एक विज्ञप्ति जारी गर्दै पुर्वाञ्चल विश्वविद्यालय सेवा आयोगले कर्मचारीहरुको पदपुर्तिको लागि २२ वर्ष पछि गरेको विज्ञापन अनुसार प्रथम पत्रको परीक्षा सम्पन्न भई नतिजा समेत प्रकाशन भए पश्चात उक्त परीक्षा खारेज गरी पुनः नयाँ प्रक्रियाबाट कर्मचारी नियुत्ति गरिनुपर्ने माग राखी निहित स्वार्थ पुर्तिको लागि गरिएको गतिविधिको विरोध जनाएको छन् ।
साथै यस्ता अपराधिक गतिविधिमा संलग्न जोसुकै भएतापनि कानूनी दायरामा ल्याई कडा भन्दा कडा कारबाही गर्न नेपाल सरकार र सम्बन्धित निकाय समक्ष अनेरास्ववियु जोडदार माग समेत गरेको छ ।
